Rauland sokneråd arrangerar salme- og solidaritetskveld i Rauland kyrkje torsdag 3. mars kl. 18.00.
Det vert markering av at Kirkens Nødhjelp er 75 år. Offer til Kirkens Nødhjelp.
Å synge saman er ein god ting. I glede og sorg, i angst og uro, i solidaritet. Song skaper fellesskap, og me har ei salmebok som er full av tru og von.
I starten av fastetida, og med verdssituasjonen som bakteppe, er det ekstra fint å kome saman for halde motet oppe. Det gjer ein i Rauland kyrke torsdag 3.mars kl. 18
Då syng vi saman, og nokre raulendingar er utfordra til dele si favorittsalme.
Bjørnar Christensen syng solo og er forsongar, og Robertas Lamsodis sit trygt på orgelkrakken.
Det blir og høve til å ønske seg salmar ein er glad i, som vi kan synge saman.
Denne kvelden feirar me og at Kirkens Nødhjelp er 75 år i år, og ofringa går til Fasteaksjonen.